الاثنين، 13 أغسطس، 2012

تايجر كنج الاصلي,تايجر كنج,تايجر كنج جملة,استورد تايجر كنج

المنتجات اللي كترت عليها الطلب أوووووي الايام دي
منتجات موجودة ومغرقة التلي شوب انا نقلت لكم المقال ددا

تايجر كنج

احنا بنبيعه اه

بس  مش عارف
هو مطلوب اوي  واحنا بنبيعه بسعر كويس جدا عن اي مكان تاني فعلا,و يعني قبل ما اشتغل في الحوار دا سألت ناس كتييييير
وكله بسعر اكتر من اللي بنبيعه بكتير مش عارفة انا اللي قنوع والا الناس هي اللي طماعة

ومش عايز اكتب اي حاجة تخصه عالمدونة دي عشان ماأحسش اني بستغل الناس اللي بتدخل هنا
بس كل اللي اقدر اقوله اني ارخص من اي مكان تاني وبكتييييييييير



المدونة دي مش عايز اكتب فيها اي بيانات لان المدونة الغرض منها هي افادة الناس وبسسس
حتي مش معمولة للاعلانات والا ستفيد منها في جوجل أدسنس خالص,,
علي فكرة
المدونة مرفوضة من جوجل ادسنس ^_^
 انا كل اللي اقدر اقدمه هنا هي نصيحة مش اكتر
 تاخد ايه من الصين

تشتغل ازاي من مصر علي موضوع الاستيراد دا

تسافر انت والا لأ
لكن ايه المنتجات اللي تشغل فيها واكتر حاجة تشتغل دا انت اللي بتحدده علي حسب خبرتك لان كل واحد وليه خبرتة في مجال معين
انت مثلا ليك خبرة جامدة جدا في مجال الاجهزة الكهربائية
وانا والا اعرف اي حاجة فيها غيرنا استاذ في السيراميك مثلا,, احنا كبيرنا نفرق بين البورسلين والسيراميك والخشب كمان ^_^
الموضوع بيجي كدا انت اكتر مجال شاطر فيه عبارة عن ايه؟؟

رغم ان خبرتي قليلة واخاف صراحة واحد جهبز كدا يتصل بيا ويسألني اسئلة وتلاقوني بقله,, عه؟؟ بتكلمني أنا؟؟

بس عندي معلومات كتير اوي ان شاء الله هكتبها كلها بس ادعولي, وشجعوني








الأحد، 8 أبريل، 2012

الخميس، 15 مارس، 2012

جميع المنتجات التي ممكن أن تحتاجها من الصين

اليوم راح اصنف المنتجات اللي نستوردها من الصين
 يعني كل قسم موجود بيه ايه
اذا كنت تريد ان تستورد

ملابس :  جينز,تي شيرت رجالي,اطفالي,شبابي , قمصان رجالي ,عبايات حريمي ورجالي خليجي وعادي , ترح وسكارف ,  فساتين زفاف, جاكيت جلد وعادي , ملايات سرير , لانجيري حريمي ,بلوزات, جيب, أقمشة ستاير وتنجيد, مفروشات

الاجهزة:  تليفزيونات , الات طباعة ,سكانر, تليفونات ارضي ,تلاجات, غسالات,مراوح,تكيف,خلاطات,مكوي , لاب توب, أدوات كهرباء
 موبايلات, شاشات كمبيوتر


اكسسوارات الموبيل:  وش للجهاز,, سماعات, شواحن, وصلات

اكسسوارات الكمبيوتر: سماعات , سبيكر, ماوس,كي بورد,باد, كابل باور,كابل داتا, مروحة تبريد,كارت شاشة,كارت شبكة, سي دي ,دي في دي , وصلات


السيارات : جميع انواع السيارات وقطع غيارها, كاوتش, فتيس, مراوح, شنط, دريكسيون,, كشافات ,, جديدة او مستعملة


الاثاث والاخشاب : كل ماله علاقة بالاخشاب والجلد ايضا  مكاتب ترابيزات,كنب, صالون ,انترية,باب , رفوف, مطبخ,حجر نوم وسفرة

اللعب: لعب اطفال, لعب ذكاء, لبع بلياردو, تجهيز صالات الالعاب والملاهي



الاغذية والمأكولات: معلبات , ومأكولات,

ادوات المطبخ والادوات والمنزلية,, اطباق الغسيل, والابلاستيك والاطباق والسكاكين والصيني والملامين ,, وقطع الالومنيوم زي السكاكين والمخرطة والمعالق الفرط واطباق ,,, الخ








«أيو» مدينة عربية في الصين

video

الأربعاء، 14 مارس، 2012

قبل ما تشتري اي حاجة من الصين ,, لابد وأن تعرف : الاستيراد من الصين: الجزء الاول

اول مشاركة في المدونة تتحدث عن موضوع مهم جدا جدا


موضوع يختص بعملي -حاليا اعمل بالاستيراد
الا وهو الاستيراد من الصين
موضوع الاستيراد من الصين موضوع كبير جدا ومهم جدا
فالصين دولة كبيرة جدا والاهم من هذا هم ,, أهل الصين
أهل الصين ناس عمليين جدا لا يحبون ان يقضون اوقاتهم في الفراغ
عندما اتعامل مع هؤلاء الناس ,, اجد في قلبي حسرة ما بعدها حسرة علي شعبي العربي
ففي كل دقيقة نجد ملايييين العرب وليسوا جميعهم
الذين يضيعون اوقاتهم في البحث علي الانترنت
مرة شات ومرة دردشة ومرة فيس بوك,, ولكن بدأت في الاوقات الاخيرة اشعر انهم بدءوا يستيقظون من الغفلة الي حدا ما
وخاصة بعد الثورات العربية الكبيرة
,,نرجع لموضوعنا ,, الصين ^_^


الاستيراد من الصين موضوع كبير جدا ومهم


وخاصة ان هذه الدولة بها كل شيء يناسب اي شخص


اي اذا كنت تريد اسعار غالية للمنتجات ,, فستجد ذلك,, واذا كنت تريد اسعار رخيصة ,, ستجد ذلك,, وكل هذا علي حسب احتياجك انت
ولكن عليك اولا ان تعرف ,, ماذا تريد من الصين


اتعجب عندما اري بعض العملاء الذين يسألونني عن اي منتج والسلام


معي مبلغ اريد ان اشتري ,و اي شيء,, اساله ماذا تريد بالظبط,, اريد اي شيء ,, اي بضاعة والسلام!!
فسوق الصين مليء بجميع انواع البضائع


اقمشة,لعب اطفال, وكبار, ملابس ,احذية ,اجهزة تليفونات ,موبايلات ,وعربيات والات وطابعات


ياتري اختار ايه للعميل؟؟
لازم اكون محدد انا عايز ايه,, سواء هتاجر بيه او هستعمله استعمال شخصي


اول حاجة هي اننا نحدد احنا عايزين ايه


ماذا اريد من الصين؟؟
لو استعمال شخصي,, اكيد هكون عارف والنقطة اللي جايا مش تبعك
لو تجارة يبقي تقا النقطة دي بعناية

 وهو عبارة عن اني ابدأ اعرف بلدي محتاجة ايه بمعني اوضح المكان اللي هيكون فيه البضاعة دي  ,, او ايه اكتر حاجة فيها عليها سحب, في مصر مثلا,و اكبر حاجة عليها سحب ودا في مصر كلها مش في منطقة بعينها,, يعني لو استوردت الحاجات دي وبيعتها في اي مكان في مصر,, هتتباع ,, بأمر الله
*الموبايلات الصيني
*اكسسوارات الموبايلات
*بما فيها فلاشات وكروت ميموري (ودي عليها سحب كبير جدا )
* اللب (اللب السوري بتاعنا اللي في مصر دا هو اسمه لب سوري او صيني الاتنين واحد عليه سحب كويس جدا,, والناس مش هتبطل أزأزة, ممكن اشتري بنطلون كل شهرين او كل تلات شهور,, لكن التسالي و الأكل والحاجات دي ,, مالهاش وقت
*المعلبات (زي التونة والبيف ,, الخ)
*الملابس (اللانجيري الحريمي عليها سحب غير عااادي)
وما الي ذلك وكل بلد وليها اهتمامتها
كدا انا حصرت كل حاجة ماشية في بلدي ومنطقتي  وشغالة تمام
نجيب كوباية شاي حلوة كدا واقفل باب الغرفة عليا عشان الدوشة وعدم التركيز
اول حاجة لازم تعرفها
 المنتج اللي انت عايز تستورده,, لازم يكون واضح من كل حاجة
يعني لو هتشتري ملابس مثلا,, تبحث او حتي تصور المنتج نفسه
المنتج اللي انت عايز تستورده,, لو بنطلون جينزمثلا,, هات صور من النت,, لان مصانع الصين لو مش وجدت المنتج بعينه وشافته كصورة مثلا,, هتبعتلك اي حاجة تيجي ادامها,, وفي الاخر تقلك انت محددتش!!
عشان كدا ,, حدد تفاصيل المنتج بالظبط,, يعني تكون معاك صوة للمنتج  او يكون معاك رابط لموقع مثلا بيوضح المنتج دا
كدا انت بتوفر علي نفسك وعلي المصنع حاجات كتير,, ما ينفعش ادخل لناس مختلفين معايا في اللغة ,, واقلهم عايز قميص رجالي او بنطلون,, اي حاجة واي خامة واي مقاس
خلاص خلصنا من الخطوة الاولي
الخطوة التانية
ابحث عالنت علي الاستيراد من الصين
هيطلع مواقع كتيرة جدا,, انا عن نفسي بسوق فيها,,
هتلاقي اما ان واحد كاتب مصانع الصين


 او شركة استيراد وتصدير بتعرض خدماتها عشان تستورد لاي حد
او مواقع بتبيع منتجات صينية>>>> ودي هي اللي هنركز عليها
 في موقع زي علي بابا
دا مليان بالمصانع الصينية
شوف البضاعة اللي نويت تشتريها واعرف  المصنع اللي بينتج (وخد بالك من المصنع لان في كل مكان في نصب حاول تتعامل بعناية )
لو  انت شوية في الانجليزي ومش تمام اوي فيه ,, هتعرف تتفاهم معاهم لانهم هما اصلا مش شاطرين في الانجليزي
هتتلكم معاهم ,, هتعرف سعر القطعة كام  لو هاخد قطعة واحدة,, ولو هاخد كمية ,, هعرف سعر القطعة
ممكن نفاصل علي فكرة معاهم ,, كل مكان فيه الفصال ^_^ ودا مش اي مكان,, دي مصانع يعني هدفع مبلغ وقدره
اطلب منهم انهم يبعتلوك ملف اكسيل او اي ملف يوضح سعر القطعة ووزنها والابعاد بتاعتها
جزئية الوزن والابعاد دي للناس اللي مش عارفة ايه لزمتهم
الشحن
المنتج بتاعك عشان يتشحن لازم تعرف وزنه ايه وطوله ايه وعرضه ايه والكلام دا كله,, عشان عرف هيعمل كام كيلو,,عشان نحدد
لما يبعتولك الملف دا ,, شوف اكتر من شركة شحن ,, وابعتلهم الملف دا,, وقلهم عايز اعرف تكلفة الشحن بتاعته هتبقي كام,, واختار انت طريقة الشحن,, سواء شحن بحري ا و جوي
طرق الشحن : جوي وبحري 

الشحن الجوي

الشحن  الجوي بيكون اسرع لكنه اغلي بكتير يمكن حتي يكلفك مثل تمن البضاعة نفسها 
 وبيكون للأوزان الصغيرة


الشحن البحري

الشحن البحري سعره كويس لكنه بطيء جدا مش اقل من شهر


 خلاص حددنا طريقة الشحن

نروح علي كام شركة كدا ونسألهم تكلفة الشحن هتكون كام,, وبعدين نعمل مقارنة والاحسن والاوفر اتعامل معاه (دا طبعا لما اكون عارف الشركة بدل ما تكون نصابة والا حاجة )
نيجي لجزئية الجمارك
الجمارك
ودي حاجة  فيها جزء مهم جدا ناس كتير مش تعرفها
 الشركة اللي تحدد الجمارك قبل ما الشحن توصل مكانها ,, تبقي سوري يعني*****
اكيد فهمتوا
الجمارك مش بتتعرف الا في وقتها في المطار او المينا
بس ممكن تديلك السعر بالتقريب


كدا احنا عرفنا سعر المنتج +سعر الشحن+سعر الجمارك




كدا احنا تقريبا خلصنا جزء كبير ومش باقي غيرحاجات بسيطة جدا


نكمله بامر الله في الجزء الثاني